تخيل كده: بنت مصرية صغيرة نشأت في السعودية، فكرة السفر كانت تعتبر ممنوعة. بيتهيألك إن ده بداية قصة مألوفة، صح؟ البنت دي كنت أنا، وأنا متحمسة أشارككم رحلتي. زي كتير من البنات اللي نشأوا في الشرق الأوسط، كان عندي أحلام كبيرة لاستكشاف العالم. لكن الطريق ماكانش سهل.
السفر كان فكرة مش مقبولة لعيلتي، وخلاني حاسة إنني محاصرة في مكان مش مناسب ليا. (أنا متأكدة إن كتير منكو ممكن يفهموا) لكني عرفت إن لازم يحصل تغيير. خليني احكيلكو شوية عن المحطات الرئيسية في رحلتي.
في يوم من الأيام، قررت أبدأ رحلة جديدة بس مش سهلة. بدأت أشتغل بدري، وفي نفس الوقت كنت في الجامعة وبتطوع في شركة عشان أتعلم أكتر. اشتغلت بجد واغتنمت كل فرصة جات لي. وبعدين… حصل! قدرت اوفرمبلغ مالي كافي من شغلي بدوام كامل كمديرة مشاريع ومن بيزنس جانبي بدأت فيه. قبل ما أكون عندي 20 سنة، رحت أول رحلة لسريلانكا. الرحلة دي غيرت كل حاجة!
الثقافة الفريدة، التنوع، وطيبة الناس – كان كله كتير عليا في مرة واحدة. ومش هقولك على الحرية اللي حسيت بيها! مش هأنسى الرحلة دي أبدًا. انبهرت بالطبيعة الجميلة، اللي كانت مختلفة تمامًا عن اللي كنت متعودة عليه في بلدي. حسيت إني بعيش في عالم مختلف، عالم حلمت بيه طول عمري.
الرحلة دي أشعلت نار الشغف جوايا، وعرفت إن ده مجرد بداية قصتي. قابلت مسافرين تانين خلال الرحلة ألهموني إني أكمل استكشاف العالم.
كنت عارفة من جوه قلبي إن دي حياتي، وأنا اللي مسيطره على قصتي. ورغم كل حاجة، كنت دايمًا بدفع لقدام لحد ما لقيت نفسي في بيروت وقت الانفجار في 2020. قعدت هناك لمدة شهر ونص علشان أساعد في إعادة بناء المدينة بعد الكارثة. كانت واحدة من أكتر التجارب الغنية في حياتي.
الوقت ده كان كأنه كل حاجة انفجرت في حياتي، وكان زي جرس إنذار علشان أبدأ أهتم بصحتي النفسية وراحتي.بدأت العلاج النفسي وقضيت وقت في اكتشاف نفسي، بحاول ألاقى ذاتي الحقيقية. كانت تجربة متواضعة خلّتني أفتكر قد إيه العناية بالنفس والتواصل مع الآخرين مهمين.
في البداية حطيت هدف إني أسافر العالم قبل ما أكمل 30 سنة، لكن مع كل رحلة كنت بكتشف إني بكون مستعجلة في اني أوصل بس لوجهتي,من نقطة لنقطة, بدل ما أستمتع بالرحلة. اتعلمت أقدّر قيمة إني أبطأ شوية وأبني علاقات حقيقية مع الناس اللي قابلتهم. السفر بقى رحلة لبناء علاقات واحتضان التجارب، وخلاني أفهم إن الموضوع مش بس عن المكان اللي رايحة، لكن كمان عن اللحظات اللي بنعيشها مع بعض في الطريق.
من 2019، وأنا في رحلة مذهلة، استكشفت فيها 45 دولة، ولسة في الطريق! وفي الرحلة دي، بدأت أشارك قصصي ونصايحي عن السفر أونلاين. لكن كنت عايزة أعمل أكتر من كده.
بدأت أخلي ناس تانية تطلع رحلات معايا، وأخلق فرص لناس غريبة عندهم نفس حب الاستكشاف علشان يتواصلوا ويسافروا مع بعض.
في سنة واحدة بس، أكتر من 250 مسافر ومغامر انضموا ليا في أكتر من 20 رحلة متتنسيش. دلوقتي، أنا بوسع خدماتي علشان أساعدك تسافر من غير توتر، وأخلي الرحلة أسهل، زي ما كنت أتمنى لو كان عندي نفس الدعم في بداية مغامراتي.
السفر معايا مش بس عن استكشاف أماكن جديدة—ده كمان عن إنكم تكونوا نفسكم وسط ناس عندهم نفس الاهتمامات.
أنا شخصيًا بشارك في أغلب الرحلات، لكن ده مش هيفضل كده عشان الرحلات هتبقى حصرية أكتر.
انضموا لمجتمعى، هنا هتكونوا صداقات—وممكن حتى حب— زي ما حصل في رحلات فاتت.
من المميزات إنكم هتكونوا ليكم أولوية في الرحلات، خصومات، دعوات حصرية لخروجات، وتجمعات كل شهر.
مستعدين لمغامرة لا تُنسى؟ انضموا ليا!
حابب تسافر في مغامرتك الجاية لكن شايل هم الفيزا؟ أنا فاهمة، و جايه علشان أخلي الموضوع ده سهل ليك.
أنا بساعد المصريين يحصلوا على فيزا الشنغن وأمريكا بكل سهولة (وقريب هضيف فيزات لدول تانية حول العالم). مفيش تعب، مفيش انتظار—كل حاجة هتمشي بسلاسة.
خلي الورق عليتا، وإنت فكر في استكشاف الأماكن. جاهز للسفر من غير تعب؟
استعد لتجارب سفر مخصصة مُصممة خصيصًا ليك! سواء كنت عايز رحلة هادئة للاسترخاء أو مغامرة مليانة حماس، قريب هتقدر تطلب خطة سفر مخصصة حسب تفضيلاتك. تابعنا علشان تعرف أكتر!
أنا متحمسة جدًا للمشاركة مدونتي معاكم, هيكون فيها تجاربي الشخصية في السفر، نصائحي، وقصصي من جميع أنحاء العالم! سواء كنت تدور على إلهام للسفر، نصائح، أو مجرد قراءة ممتعة، المنصة دي هتكون مرجعك لكل حاجة متعلقة بالسفر. تابعني علشان تكون أول من يعرف عن المغامرات، والأفكار، وكل حاجة عن السفر!
مسافرة ومغامرة مهمتها مساعدة الآخرين على استكشاف العالم بثقة.
ما تفوتش رحلاتنا الجاية أو خدماتنا,خليك أول حد عارف الأخبار الجديدة.
كل اللي عليك انك هتسجل بالأيميل!
© حقوق الطبع والنشر 2024. جميع الحقوق محفوظة.
